बैंकहरूकाे ब्याजदरमा सीमा ताेकियाे, सहमति तोड्नेलाई कारबाही

नेपाल बैंकर्स संघ (एनबीए) ले बैंकहरूकाे ब्याजदरमा सीमा तोकेको छ। राष्ट्र बैंकसँगको परामर्श र २८ वटै वाणिज्य बैंकको सिइओको सहमतिमा संघले पुनः ब्याजदरलाई निश्चित सीमामै राख्ने निर्णय गरेको हो ।

उक्त निर्णय अनुसार अब बचत खातामा ७ प्रतिशतभन्दा बढी ब्याज दिन पाइनेछैन । संस्थागत निक्षेपमा साढे १० प्रतिशतसम्म मात्र ब्याज दिन पाउने निर्णय भएको बैकर्स संघका सदस्य तथा प्रभु बैंकका सीईओ अशोक शेरचनले बताउनु भयाे ।

यसअघि संस्थागतलाई ११.१५ प्रतिशतसम्म ब्याज दिन पाउने व्यावस्था थियाे । सर्वसाधारण निक्षेपकर्तालाई बढीमा ११ प्रतिशत ब्याज दिन पाइनेछ । अहिले १२.२२ प्रतिशतसम्म दिने गरिएको छ ।

साथै मुद्दती निक्षेपको ब्याज अब ३ महिनापछि मात्रै भुक्तानी गरिनेछ । अहिले बैंकहरुले प्रत्येक महिनामा यस्तो ब्याज दिने गरेकाेमा यो निर्णय गरिएको र नियम उल्लंघन गर्नेलाई कारबाही गर्ने सहमति भएको छ ।

पहिले पनि ब्याजदरमा सीमा रहेकेामा तरलता सहज भएको भन्दै केही दिन अघि बैकर्स संघले आफ्नो निर्णय फिर्ता लिएकाे थियाे ।

थप समाचार

नेपालको अर्थतन्त्रमा सामान्य वृद्धि हुने एडिबीको प्रक्षेपण

नयाँ बसपार्कमा निर्माण भएको लोत्से मलको शुभारम्भ

ग्लोबल आइएमई बैंक र निड्स बीच समझदारी पत्रमा हस्ताक्षर

एप्पलले सार्वजनिक गर्‍यो आइफोन १३ सिरिजका ४ आइफोन