कोरोनाको उपचाररत युवतीको स्वास्थ्मा सुधार
फ्रान्सबाट कतारको दोहा हुँदै नेपाल आएर कोरोना भाइरसको उपचाररत १९ वर्षीया युवतीको अहिले पनि टेकुस्थित शुक्रराज ट्रपिकल तथा सरुवा रोग अस्पतालको आइसोलेसन कक्षमा उपचारमा रहेकी छिन् । उपचाररत ती युवती अस्पतालबाट डिस्चार्ज भएको भनी समाजिक सञ्जाल र केही सञ्चारमाध्यममा आएपछि अस्पतालले युवती अस्पतालमै रहेको र उहाँको स्वास्थ्यमा राम्रो सुधार भइरहेको जनाएको हो ।
स्वास्थ्य तथा जनसङ्ख्या मन्त्रालयका प्रवक्ता डा विकास देवकोटाले सङ्क्रमित युवती अस्पतालमै उपचाररत रहेको जानकारी दिनुभयो । उहाँले कोभिड–१९ सङ्क्रमित तीनै जनाको अस्पतालमा उपचार भइरहेको र उनीहरुको स्वास्थ्य अवस्था सामान्य रहेको बताउनुभयो ।
फ्रान्सबाट आएको कोभिड–१९ सङ्क्रमित युवतीको परिवारका सदस्यको कोभिड परीक्षणको नजिता नेगेटिभ आएको अस्पतालले जनाएको छ । फ्रान्सबाट गत चैत ४ गते कतारको दोहा हुँदै काठमाडौँ आएको युवतीमा कोभिडको सङ्क्रमण देखिएपछि आइसोलेसनमा राखेर उपचार भइरहेको हो ।
नेपालमा हालसम्म चार जनामा कोभिडको सङ्क्रमण देखिए पनि एक जना उपचारपछि घर फर्किसकेका छन् ।
क्याटेगोरी : ब्रेकिंग न्युज
ट्याग : #शुक्रराज ट्रपिकल तथा सरुवा रोग अस्पताल
धेरै पढिएका
- १नागार्जुन नगरपालिकामा ७ जनामा कोरोना पोजेटिभ
- २तारकेश्वरमा प्लटिङ्गको बिवाद हुँदा ९६ बर्षिय वृद्धको टाउको फुट्यो , स्थानियलाई ज्यान मार्ने धम्की
- ३गोंगबुको गणेशस्थान नजिक सुटकेसभित्र टाउको विनाको शव फेला ,टाउको भने तीन सय मिटर टाढा
- ४नेपालटारमा कोरोना संक्रमित ४८ वर्षीय पुरुषको मृत्यु
- ५काभ्रेस्थलीमा एकै परिवारमा ४ जनामा कोरोना पुष्टी ,घर तथा चर्च शिल
- ६मनमैजुमा ३० वर्षिए एक महिला फेसबुक लाइभमा आएर आत्महत्या
- ७मध्यराती साङ्गला प्रहरीले बरामत गरेको राँगा घर धनिलाई हस्तान्तरण
- ८नेपालटारबाट विष्फोटक पदार्थ सहित युवा पक्राउ
तपाईको कमेन्ट लेख्नुहोस्