आइतबार पनि हावाहुरी र चट्यासिहत पानी पर्ने सम्भावना

साझा पाना २०७६ जेठ १९ गते ०४:५४ मा प्रकाशित

काठमाडौं, १९ जेठ । उपत्यकासहित देशभरको पहाडी क्षेत्रमा केही दिनदेखि नियमितजसो वर्षा भैरहेको छ । बिहान आकाशमा डम्म बादल लाग्ने, बेला बेलामा घाम लाग्ने र दिउँसोतिर असिनासहित पानी आउने गरेको छ ।

मनसुन शुरू हुनुभन्दा पहिलेको समय भएकाले यस्तो मौसमी गतिविधि भैरहेको र प्रिमनसुनी समयमा यस्तो गतिविधि सामान्य रहेको मौसम पूर्वानुमान महाशाखाले जनाएको छ ।

देशभरको मौसम आइतबार पनि आंशिकदेखि सामान्य बदली रहने महाशाखाले जनाएको छ । आइतबार दिउँसोपछि काठमाडौंसहित पूर्वी नेपालमा हावाहुरी र चट्याङसहित वर्षा हुने मौसमविद्हरुको पूर्वानुमान छ ।

भारतको झारखण्डमा विकशित भएको जलवाष्पयुक्त वायु पश्चिम नेपालबाट पूर्वतिर सर्दै गएकाले पूर्वी नेपालका धेरै ठाउँमा आइतबार हावाहुरी र चट्याङसहित पानी पर्ने सम्भावना रहेको महाशाखाले जनाएको छ ।

क्याटेगोरी : ब्रेकिंग न्युज
ट्याग : #हावाहुरी र चट्यासिहत पानी