Techie IT
सोमबार, जेठ ३१,२०७८

समृद्धि, विकास र शान्तिका लागि नगर पिताको छठ व्रत


विराटनगर महानगरपालिकाका प्रमुख भीम पराजुलीले नगरको समृद्धि, विकास र शान्तिका लागि छठ व्रत बस्नुभएको छ । उहाँले आफ्नो सङ्कल्प पूरा गर्न विराटनगर महानगरपालिका–३ स्थित शिव पञ्चायन मन्दिरबाट आज दिउँसो १२ः४ बजे प्रणाम गर्दै छठ पर्व मनाउने घाटतर्फ प्रस्थान गर्नुभएको छ ।

करीब साढे तीन किमीको यात्रा उहाँले चार घण्टा घस्रदै अर्थात् दण्डप्रणाम गर्दै नदी किनारमा पुगेर बेलुका सूर्य भगवानलाई अघ्र्य दिनु हुनेछ । छठ पर्वमा गर्ने सबै विधि अपनाएर उहाँले यस वर्ष १५ औँ पटक दण्डप्रणाम गर्दै हुनुहुन्छ भने उहाँलाई दुई जना भतिजा रमेश पराजुली र मनिष पराजुली साथ दिनुभएको छ ।

आफ्नो लागि त सबैले व्रत बस्छन् तर नगरको विकासका लागि सङ्कल्प लिएर कठिन व्रत बसेर दण्ड प्रणाम गर्दै नदी किनारसम्म जाने यस्तो जनप्रतिनिधिको सङ्कल्प पूरा होस् भनी स्थानीय इन्द्रप्रसाद दाहालले कामना गर्नुभएको छ ।


क्याटेगोरी : ब्रेकिंग न्युज
ट्याग : #नगर पिताको छठ व्रत


तपाईको कमेन्ट लेख्नुहोस्


Kathmandu
22°
Mostly Cloudy
05:0719:00 +0545